Home » Most Popular Articles » ခေါင်းဆောင်နှင့် နောက်လိုက်

 

ခေါင်းဆောင်နှင့် နောက်လိုက်

မည်သည့်ဌာန၊ အဖွဲ့အစည်း၊ လုပ်ငန်း၌မဆို ခေါင်းဆောင်ရှိစမြဲဖြစ်သည်။ ခေါင်းဆောင်ရှိသကဲ့သို့ နောက်လိုက်လည်း ရှိဖို့လိုသည်။ ခေါင်းဆောင်တစ် ယောက်တည်း လုပ်ငန်းများ အောင်မြင်အောင် မလုပ် နိုင်သလို ခေါင်းဆောင်မပါဘဲ နောက်လိုက်ချည်း သက်သက် လုပ်ငန်းများ ဆောင်ရွက်၍လည်း မဖြစ် နိုင်ပေ။ ခေါင်းဆောင်နှင့်နောက်လိုက် ရှေ့သွားနောက် လိုက်ညီမှသာ လုပ်ငန်းအောင်မြင်နိုင်ပေမည်။

          ထင်လင်းမြင်သာသော ဥပမာတစ်ရပ်အနေ ဖြင့် 'လှေတစ်စင်း'ကို ဥပမာပုံဆောင်ပြပါမည်။ လှေ တစ်စင်းတွင် 'ပဲ့'နှင့် 'ဦး'ရှိသည်။ လှေတစ်စင်းနှင့်ခရီး
      နှင်ဖို့ဆိုလျှင် ပဲ့ကိုင်၊ ပဲ့ထိန်း၊ ပဲ့နင်းက လှေ၏ ဦးတည် ရာလမ်းကြောင်းကို ထိန်းကျောင်းပေးရသည်။ ထိုနည်း တူ လိုရာခရီးကို ချောချောမောမောနှင့် လျင်လျင်
     မြန်မြန်ရောက်ဖို့ လှေထိုးသား(၀ါ)လှေဦးစီးများလည်း သူ့တာဝန်သူကျေပွန်ဖို့လိုသည်။ ဦးထမ်းပဲ့ထမ်းညီပါမှ လိုရာခရီးရောက်နိုင်သည်။ ဤသည်ကို
     အကြောင်းပြု  ၍ 'တက်ညီလက်ညီ'ဟူသော ဆိုထုံးစကားပေါ်လာခြင်း ဖြစ်ပါ၏။

          ထိုနည်းတူစွာ ဌာန၊ အဖွဲ့အစည်းနှင့်လုပ်ငန်း များတွင် ပဲ့ကိုင်၊ ပဲ့ထိန်းနှင့်တူသော ခေါင်းဆောင်ရှိ ရန်လိုသကဲ့သို့ လှေထိုးသားနှင့်တူသော နောက်လိုက်
   ၀န်ထမ်း၊ အလုပ်သမားများရှိဖို့လိုသည်။ ခေါင်းဆောင် သည် ခေါင်းဆောင်အရည်အချင်းရှိရမည်။ နောက် လိုက်သည်လည်း နောက်လိုက်အရည်အချင်းရှိရပေ
   မည်။ သူ့အတိုင်းနှင့် သူ့အထွာပင်။

          လွယ်ကူမြင်သာသော ဥပမာတစ်ခုပြပါ မည်။ ခရီးသည်တင် ဘတ်စ်ကားတစ်စီးကို ကြည့်ပါ။ ယာဉ်မောင်းနှင့် ယာဉ်နောက်လိုက်(စပယ်ယာ)တို့ရှိ ကြသည်။
    ယာဉ်မောင်းသည် ယာဉ်နှင့်ခရီးသည်များ အန္တရာယ်မဖြစ်စေရန် နား၊ မျက်စိ၊ ခြေလက်နှင့် ဦး နှောက်တို့ကို အသုံးပြု၍ မော်တော်ယာဉ်ကို ထိန်း ကျောင်းရ၏။
   ထို့အတူ ယာဉ်နောက်လိုက်ကလည်း ခရီးသည်များ အတက်အဆင်းအန္တရာယ်ကင်းစေရန်၊ ခရီးသည်များ သက်သောင့်သက်သာရှိစေရန်နှင့် ယာဉ်စီးခများကို
   အပြည့်အ၀ရရန် တာဝန်ယူရ၏။ ယာဉ်မောင်းနှင့်ယာဉ်နောက်လိုက်နှစ်ဦးစလုံး သူ့တာဝန် နှင့်သူရှိကြ၏။ သူတို့နှစ်ဦးစလုံး ကိုယ့်တာဝန်ကိုယ် ကျေပွန်ကြမှသာ
   ခရီးသည်များ ဘေးမသီ ရန်မခဘဲ လိုရာခရီးကို ချောချောမောမောရောက်နိုင်သကဲ့သို့ ယာဉ်စီးခများကိုလည်း ပြည့်ပြည့်၀၀ရရှိနိုင်မည်ဖြစ် သည်။

          လူအများအတူတကွ စုပေါင်းအလုပ်လုပ်ဖို့ လိုအပ်လာသည့်အခါတိုင်းတွင် အကြီးအကဲခေါင်း ဆောင်တစ်ယောက်မဖြစ်မနေရှိဖို့ လိုပါသည်။ ဦးစီး
    ခေါင်းဆောင်မှုမရှိသည့် စုပေါင်းအလုပ်များသည် ဖရို ဖရဲ၊ ကသောင်းကနင်း ချက်ချင်းဖြစ်သွားနိုင်သည်ကို သတိပြုသင့်၏။

          ခေါင်းဆောင်တစ်ယောက်၏ လုပ်ငန်း တာဝန်နှင့်ပတ်သက်၍ ဆရာမြသန်းတင့်က 'ဘ၀နေ နည်း အနုပညာစာအုပ်'တွင်-

          ''ခေါင်းဆောင်တစ်ယောက်ရဲ့ လုပ်ငန်း တာဝန်ဟာ အခြားသောသူများရဲ့ လုပ်ဆောင်ချက် များကို ညွှန်ကြားဖို့ဖြစ်တယ်။ ဒါ့ကြောင့် သူတို့ကို
    ဘယ်ပန်းတိုင်ကိုအရောက် ခေါင်းဆောင်သွားရမယ် ဆိုတဲ့အချက်ကို မသိလို့ မဖြစ်ဘူး။ သူ့အဖို့ အရေး အကြီးဆုံး အရည်အချင်းကတော့ စိတ်တန်ခိုးသတ္တိကို
    ပိုင်ဆိုင်ဖို့ပဲ။ သူဟာ ဆုံးဖြတ်ချက်တွေကို ဘယ်လို ချမှတ်ရမယ်ဆိုတာ သိရမယ်။ အဲဒီဆုံးဖြတ်ချက်တွေ အတွက် တာဝန်ယူရမယ်''ဟူ၍ ဖော်ညွှန်းထားသည်။

          တကယ်တော့ ခေါင်းဆောင်ဟူသည် မိမိ ကိုယ်မိမိ ခေါင်းဆောင်ဟူ၍ အမည်တပ်ရုံဖြင့် မရပေ။ အများက ယုံကြည်လက်ခံမှသာ ခေါင်းဆောင်ဖြစ် သည်။
    ခေါင်းဆောင်တို့တွင် ရှိအပ်သည့် နာယက ဂုဏ်ခြောက်ပါးနှင့် ပြည့်စုံရန် လိုအပ်သည်။ လုပ်ငန်း ပိုင်းတွင်လည်း ခေါင်းဆောင်ပီသအောင် အတတ်
    ပညာပိုင်းဆိုင်ရာ ကျွမ်းကျင်မှုလိုအပ်သည်။ ထို့ပြင် ခေါင်းဆောင်သည် ချင့်ချိန်နိုင်မှုရှိရမည်ဖြစ်သည်။ ချင့် ချိန်မှုဆိုသည်မှာ အပြောလွယ်သလောက် အလုပ်ခက်
     သည်။

          ခေါင်းဆောင်လုပ်သူသည် မိမိလက်အောက်ရှိ နောက်လိုက်ငယ်သားများအား တော်ရာမှ ပို၍ ပို၍ တော်လာစေလိုပါက ၎င်းင်းတို့၏ တော်သော အစွမ်း
     အစများကို ပိုတော်လာအောင် အားပေးအားမြှောက် ပြုလုပ်ပေးသင့်၏။ လက်အောက်ငယ်သားများ အရည် အချင်းတိုးတက်လာကြပြီး အထက်အဆင့်သို့ တက်
     လှမ်းနိုင်ကြစေရေးအတွက် နေရာများကို အသင့်ဖန်တီး ပေးထားလေ့ရှိကြသည်။

          ခေါင်းဆောင်မှု အတတ်ပညာသည် မွေး ရာပါအတတ်ပညာမဟုတ်။ လေ့ကျင့်ပျိုးထောင်ပေး လျှင် တတ်မြောက်နိုင်သည့် စွမ်းဆောင်ရည်တစ်မျိုး ဖြစ်သည်။
     သို့ဆိုပါလျှင် ခေါင်းဆောင်ကောင်းတစ် ယောက်ဖြစ်ရန် ဂျွန်ရိုစ့်မွန် (John Rose Mond) ဆိုသူက R သုံးလုံးကို ပြုစုပျိုးထောင်ပေးပါဟု အကြံပြု ခဲ့ဖူးသည်။ ယင်း
     R သုံးလုံးမှာ-

    (၁) Respect လေးစားတတ်ခြင်း၊

    (၂) Resourcefulness  အခက်အခဲကို ဖြေရှင်းနိုင်စွမ်း၊              စိတ်ကူးစိတ်သန်းထုတ်တတ်ခြင်း၊

    (၃) Responsibility တာဝန်ယူတတ်ခြင်းတို့ဖြစ်သည်။

          ခေါင်းဆောင်သည် အခြေအနေအချိန် အခါကို အမြင်ကျယ်ကျယ်ဖြင့် လေ့လာသိရှိနိုင်ရမည်။ အတွေ့အကြုံနှင့် ဗဟုသုတရှိရမည်။ လိုအပ်သည့်
     အခြေခံပညာရှိရမည်။ တတ်မြောက်အပ်သည့် အခြား သော ပညာရပ်များကို ဆည်းပူးထားသူဖြစ်ရမည်။

          ထိုမျှမကသေးပေ။ ခေါင်းဆောင်သည် ကိုယ့်ကိုယ်ကိုယ် ယုံကြည်မှု (Self Confidence) ရှိရ မည်။ မိမိကိုယ်ကို ထိန်းသိမ်းနိုင်မှု (Self-Control) ရှိရမည်။
    မိမိကိုယ်ကို ဝေဖန်သုံးသပ်နိုင်စွမ်း (Self-Criticism) ရှိရမည်။ မိမိကိုယ်ကို ပျိုးထောင်မြှင့်တင် နိုင်သည့်(Self-Cultivition)  ရှိရမည်။

          ခေါင်းဆောင်သည် မိမိနောက်လိုက်ငယ် သားများကို အစဉ်အမြဲစောင့်ကြည့်လေ့လာသင့်သည်။ သူတို့၏ လူနေမှုဘ၀ကိုလည်း တစေ့တစောင်း ငဲ့စောင်း
    လေ့လာသင့်သည်။ တော်သူကို တော်သလို ချီးမြှောက် ရန် ၀န်မလေးသင့်ပေ။ အားနည်းသူကို ပြုပြင်ပေးရ မည်။ မည်သို့မျှ ပြုပြင်၍မရသူကို အလုပ်မှ အနား
    ပေးဖို့ လိုအပ်လျှင် အနားပေးသင့်သည်။ ဥပမာ တစ်ခုဖော်ပြရမည်ဆိုလျှင် လူတိုင်းသည် မိမိ၏ ကိုယ် ခန္ဓာအစိတ်အပိုင်းများကို အဆုံးရံှးုမခံလိုကြပေ။ သို့ရာ တွင်
    လက်ညှိုးကို ဖြတ်ပစ်ရန် လိုသည့်အချိန်၌ နှမြော နေလျှင် တစ်ချိန်တွင် လက်ကောက်ဝတ်ကနေ ဖြတ် ပစ်ရပါလိမ့်မည်။

          အလုပ်က အနားပေးခြင်း၊ ဖြုတ်ပယ်ခြင်း တို့သည် လုပ်ငန်းတစ်ခုအတွက် လိုအပ်ပါ၏။ ခေါင်း ဆောင်က တာဝန်ယူ၍ ဆောင်ရွက်ရမည်။ စိတ်မချမ်း
    မြေ့စရာအလုပ်တစ်ခုဖြစ်သော်လည်း သစ်ပင်ကြီး တစ်ပင်လုံးကို သေမှာစိုးလျှင် မကောင်းသည့် အကိုင်း ကို ဖြတ်သင့်ဖို့ ၀န်မလေးသင့်ပါ။

          ကျွန်တော်တို့သည် အဆင်မပြေသော ၀န် ထမ်းအချို့ကို လုပ်ငန်းခွင်၌ တွေ့ဖူး၏။ အလုပ်လည်း မကျွမ်းကျင်၊ သင်ပေးလျှင်လည်း မလုပ်နိုင်။ ဒီကြားထဲ
     လူကြီးကို ကလန်ကဆန်နှင့် မထီလေးစား လုပ်သေး သည်။ သွန်သင်ပြုပြင်ပေး၍လည်းမရ။ ထို ၀န်ထမ်း မျိုးကို အလုပ်မှအနားပေးရုံမှအပ အခြားလုပ်စရာ၊
     ခွင့်လွှတ်စရာအကြောင်း အမြင်တော့ပေ။

          လုပ်ငန်းကိုင်ငန်းတစ်ရပ် အောင်မြင်ပေါက် မြောက်ခရီးရောက်လိုလျှင် ခေါင်းဆောင်လုပ်သူသည် အရေးကြီးသကဲ့သို့ နောက်လိုက်ငယ်သားလုပ်သူများ
      ကလည်း အရေးပါလှသည်။ နှစ်ဦးနှစ်ဖက်တက်ညီ လက်ညီရှိမှသာ လိုရာပန်းတိုင်ရောက်နိုင်မည်ဖြစ်ပါ ကြောင်း တင်ပြလိုက်ရပါ၏။

တက္ကသိုလ်သင်္ခ











 

Source: Flower News Category: Most Popular Articles Action:  Printable Version  |  Mail This  |    Add favorite

 

Local news
World & Asia
Entertainment
Life Style

About Yangon Media · Contact Us • Privacy · Advertisement with us · Help · Site Map
Copyright © Yangon Media 2007

yangonmedia.com

 Total Hit